நாடு பூராகவும் தனது பாரிய, மேம்பட்ட 4G வலையமைப்பை இவ்வருடம் பெப்ரவரியில் பூர்த்தி செய்த HUTCH, தனது வர்த்தகநாமத்தின் பிரசன்னத்தை மேம்படுத்தி வருவதுடன், அதன் பாரிய 2G,3G மற்றும் 4G வலையமைப்புடன் இலங்கையின் முதற்தர தொலைத்தொடர்பு நிறுவனமாக தன்னை மேலும் ஸ்தாபிக்கும் நடவடிக்கையிலும் மற்றும் அனைத்து தரப்பு நுகர்வோரதும் குறுக்கு வெட்டு பிரிவினர் விரும்பும் வகையிலான பல தரப்பட்ட புத்துருவாக்க தயாரிப்புகளை வழங்கும் முயற்சியிலும் ஈடுபட்டுள்ளது.
கடந்த ஆண்டு Etisalat கூட்டிணைக்கப்பட்டமையின் விளைவாக குறிப்பிடத்தக்க எழுச்சி காணப்படுவதுடன், ஹொங்கொங்கை தளமாகக் கொண்ட CK Hutchison Holdings இன் இந்த உள்நாட்டு துணை நிறுவனமானது, நம்பிக்கையுடனும் இந்த தீவு தேசம் தொடர்பில் அர்ப்பணிப்புடனும் உள்ளது.
“HUTCH” என்ற வர்த்தகநாமத்தின் கீழ் இயங்கும் Hutchison Telecommunications Lanka (Pvt) Ltd, வாடிக்கையாளர்கள் நாளாந்தம் முகங்கொடுக்கும் உண்மையான பிரச்சினைகளுக்கு, உண்மையான தீர்வை வழங்குவதன் மூலம் எதிர்ப்பார்ப்பை விட மேலதிகமான சேவைகளை வழங்கி தொலைத்தொடர்பாடல் துறையில் புரட்சிகளை ஏற்படுத்தி வருகின்றது.
இத்தகைய பின்னணியில், நிறுவனத்தின் நாடு முழுவதுமான வலையமைப்பு விரிவாக்கம் மற்றும் அவை அதன் வாடிக்கையாளர்களுக்கு சிறந்த மொபைல் அனுபவத்தை வழங்க எவ்வாறு உதவுகின்றன போன்றவற்றை விபரிக்கும் HUTCH இன் பிரதான நிறைவேற்று அதிகாரி திருக்குமார் நடரசாவுடன் இடம்பெற்ற நேர்காணலின் பகுதிகள் பின்வருமாறு;
கே: எட்டிசலாட் கூட்டிணைப்பு மற்றும் புதிய முதலீடுகளின் பின்னர் HUTCH வலையமைப்பின் கவரேஜ் எவ்வாறு விரிவடைந்துள்ளது?
ப: இந்த கூட்டிணைப்பு வாய்ப்பானது கவரேஜ் மற்றும் திறன் ஆகிய இரண்டின் அடிப்படையிலும், ஒரு பாரிய வலையமைப்பின் உட்கட்டமைப்புக்கு ஒரே இரவில் Hutchசுக்கு அணுகலை வழங்கியது. இது எங்களால் முன்னர் எட்டமுடியாத முழுமையான ஆற்றலுடன் கூடிய வாடிக்கையாளர் தளத்தை அடைய எங்களுக்கு வாய்ப்பளித்ததுடன், அவர்களின் தேவைகளைப் புரிந்துகொண்டு அவர்களுக்காக வேலை செய்யும் ஒரு வர்த்தகநாமத்தைத் தேடும், தரவு அதிகமாகத் தேவைப்படும் மக்களுக்கு சேவை செய்ய எங்களுக்கு அனுமதி வழங்கியது.
எங்கள் அதி ஆற்றல் மிக்க, அர்ப்பணிப்பான பொறியியலாளர்கள் மற்றும் தொழில்நுட்ப ஆதரவு ஊழியர்கள் 2G மற்றும் 3G வலையமைப்புகள் இரண்டையும் ஒன்றிணைக்க மட்டுமல்லாமல், மேம்பட்ட 4G வலையமைப்பையும் இதனோடு இணைக்க முழு நேரமும் பணியாற்றினர். மேலும் இந்த மாபெரும் காரியத்தை 12 மாதங்களுக்குள் முடிக்க எம்மால் முடிந்தது. இந்த கூட்டிணைப்பானது 90%+ மக்களை உடனடியாக உள்ளடக்கிய நாடு முழுவதும் உள்ள 2000+ தொலைத்தொடர்பு கோபுரங்களில் புதிய 4G வலையமைப்பை விரிவுபடுத்திக்கொள்ள Etisalatட்டின் வளங்களை ஒருங்கிணைக்க எங்களுக்கு உதவியது.
2014 ஆம் ஆண்டு முதல் இலங்கையில் 4G பாவனைக்கு வந்தாலும், அது பெருமளவில் ஏற்றுக்கொள்ளப்படவில்லை என்பதுடன் வெறும் 40% மொபைல் சந்தாதாரர்கள் மட்டுமே இதனை உபயோகிக்கின்றனர். இந்த மெதுவான உயர்வுக்கு 4 ஜி கைபேசிகள் விலை உயர்ந்தவையாக இருந்தமை மற்றும் 4 ஜி சேவைகளைப் பயன்படுத்துவதற்கான செலவு அதிகம் என்ற எண்ணம் உள்ளிட்ட பல காரணங்கள் அடிப்படையாக இருந்தன. அண்மைய காலமாக கட்டுப்படியாகும் விலையில் 4G கைபேசிகள் அதிகப்படியாக வரத் தொடங்கியமையை அடுத்து, டிஜிட்டல் உள்வாங்கலை அனைத்து தரப்பு வாடிக்கையாளர்களுக்கும் வழங்குவது மற்றும் கட்டுப்படியாகும் 4G புரோட்பேண்ட் அனுபவத்தை நாடு முடுவதும் வழங்குவதே எமது நோக்கமாகும்.
கே. HUTCH 4G அனுபவம் ஏன் சிறந்ததாக உள்ளது?
தாமதமாக சந்தைக்கு வருவதன் நன்மை என்னவெனில், HUTCH அண்மைய மற்றும் மிகவும் மேம்பட்ட 4 G தொழில்நுட்பத்தை நாட்டில் செயற்படுத்த முடிகின்றமையாகும். விரிவாக்கப்பட்ட வலையமைப்புக்கு மேலதிகமாக, Hutch மிகவும் மேம்பட்ட மைய வலையமைப்பு மற்றும் கட்டணப்பட்டியல் அமைப்புகளை பயன்படுத்தியுள்ளது. இது எப்போதும் அதிகரித்து வரும் டேட்டா நுகர்வு தேவைகளுக்கு உதவுவதுடன், சேவையின் தரமும் மிகவும் அதிகமாக இருக்கும் என்பதே இதன் பொருளாகும். 2G மற்றும் 3G வலையமைப்புகள் உட்பட கிட்டத்தட்ட முழு Hutch மொபைல் வலையமைப்பும் கூட்டிணைப்பின் ஓர் அங்கமாக நவீனமயமாக்கப்பட்டுள்ளதுடன், HUTCH சிறந்த தரமான சேவையை வழங்க இது உதவுகிறது.
4G போன்ற தொழில்நுட்பம் நிறுவப்படுகின்றமையானது, மேலும் மேம்பாடடைவது மட்டுமன்றி, உபகரணங்களின் விலைவுகளும் மிகக் குறைவானதாகும். இதன் காரணமாக இந்த சேமிப்பினை நாம் வாடிக்கையாளர்களுக்கு வழங்க முடியுமென்பதுடன், நாம் மலிவாக இருக்க முடியும்.
தற்போது எங்கள் வலையமைப்பு ஒரு வருடத்திற்கு முன்பு இருந்ததை விட மிகப் பாரியது. மேலும் எங்கள் கவரேஜ் மிகவும் மேம்பட்டதென்பதுடன், வாடிக்கையாளர்களுக்கு சிறந்த 4G அனுபவத்தை மட்டுமல்லாமல் நாடு முழுவதும் 2G மற்றும் 3G அனுபவத்தையும் வழங்க அனுமதிக்கிறது.
குறிப்பாக கொவிட் முடக்கல் நிலையின் போது எதிர்பாராத தரவுப் பாவனை அதிகரிப்புடன், எங்கள் வலையமைப்பு விரிவாக்கம் அப்போதே நிறைவடைந்திருந்தமை எங்களுக்கு அதிர்ஷ்டமாக இருந்ததுடன், மேற்கூறிய அனைத்து காரணிகளையும் சேர்த்து எங்கள் வாடிக்கையாளர்களுக்கு ஒரு நிலையான மற்றும் நம்பகமான அனுபவத்தை எம்மால் வழங்க முடிந்தது.
கே: நீங்கள் Hutch இன் டேட்டா பக்கேஜ்கள் பற்றி குறிப்பிட்டீர்கள். அவற்றின் சிறப்பம்சம் மற்றும் ஏதேனும் புதிய தயாரிப்புகள் அண்மையில் அறிமுகப்படுத்தப்பட்டதா?
ப: COVID – 19 காலப்பகுதியில், வைரஸைக் கட்டுப்படுத்த கடுமையான முடக்கல் நடைமுறைகளைச் செயற்படுத்த அரசாங்கம் முடிவு செய்தபோது, எங்கள் தயாரிப்பு வரிசைகள் மற்றும் விலை மூலோபாயங்கள் ஆகியவற்றில் மாற்றங்களை ஏற்படுத்த பணியாற்றியதுடன், அவை வீட்டிலிருந்து வேலை செய்யும் மாதிரிக்கு மிகவும் உகந்ததாக அமைக்கப்பட்டது. நாங்கள் ஒரு “ஃப்ரீமியம்” சலுகையை அறிமுகப்படுத்தியதுடன், இதன் மூலம் எங்கள் வாடிக்கையாளர்களில் 1.2 மில்லியனுக்கும் அதிகமானவர்கள் தாம் நேசிப்பவர்களோடு இணைந்திருக்கும் பொருட்டு குரல், எஸ்.எம்.எஸ் மற்றும் தரவு ஆகியவற்றிற்கான இலவச தினசரி ரீலோட்களை வழங்கினோம். ஊரடங்கு அமுல்படுத்தப்பட்ட காலங்களில் ரீலோட் நிலையங்களுக்கான அணுகல் தடைசெய்யப்பட்டதன் காரணமாக இது மிகவும் முக்கியமானதாக இருந்தது.
நாங்கள் ஒரு உழைக்கும் வர்த்தகநாமம். எங்கள் வாடிக்கையாளர்களுக்காக நாங்கள் கடுமையாக உழைக்கிறோம், அவர்களின் குறைகளை நாங்கள் கேட்கிறோம். ‘இரவு நேர டேட்டா ஒதுக்கீடுகள் வீணாகின்றமை’ குறித்து அவர்களின் வேதனையைக் கேட்டறிந்தோம். கடந்த காலங்களில், ஒவ்வொரு நாளும் காலை 9 மணி வரை இரவு நேர ஒதுக்கீட்டை நீட்டிப்பதன் மூலம் இந்த சிக்கலை தீர்க்க நாங்கள் உதவினோம், இதன் விளைவாக Hutch சந்தாதாரர்கள் தங்கள் இரவு ஒதுக்கீட்டில் 70% க்கும் அதிகமானவற்றை பயன்படுத்த முடிந்தது. பின்னர் சந்தையில் ‘முதன் முதலாக’ Hutch 100% Any time டேட்டா பொதிகளையும் இரவு நேர கட்டுப்பாடுகள் இல்லாமல் அறிமுகப்படுத்தினோம்.
மிகவும் பிரபலமான வரம்பற்ற, ஒரு மாதம் செல்லுபடியாகும் Unlimited YouTube பொதியை ரூ. 147 அறிமுகப்படுத்தியதுடன், அண்மையில் நாங்கள் ஒரு Unlimited Facebook/Messenger/WhatsApp பொதியை ரூ. 124 என்ற விலையில் அறிமுகப்படுத்தியதுடன், முழு 30 நாட்களுக்கு இது செல்லுபடியாகும்.
எங்கள் புகழ்பெற்ற cliQ தயாரிப்பு மிகவும் பிரபலமானது என நிரூபிக்கப்பட்டுள்ளதுடன், முன்பு 3G வலையமைப்பில் மட்டுமே இயங்கியதுடன் தற்போது எங்கள் புதிய 4G வலையமைப்பில் cliQ 4G ஐ அறிமுகப்படுத்தியுள்ளோம்!
சந்தையில் முதன்முறையாக off net நிமிடங்கள் மற்றும் anytime டேட்டாவை உள்ளடக்கிய டேட்டா, குரல் மற்றும் டேட்டா bundle பொதிகளை நாங்கள் மிக அண்மையில் அறிமுகப்படுத்தினோம்.
இப்போது அனைத்து அம்சங்களுடனும், சந்தையின் அனைத்து பிரிவுகளுக்குமான தீர்வை வழங்க Hutch நன்கு நிலைநிறுத்தப்பட்டுள்ளதாக நாங்கள் நம்புகிறோம்.
கே: புதிய Bigger and Better Hutch இற்கு வாடிக்கையாளர்களின் பின்னூட்டல்கள் எவ்வாறு உள்ளன?
ப: கூட்டிணைக்கப்பட்ட வலையமைப்புடன், மீள அறிமுகப்படுத்தப்பட்ட நாள் முதல் எங்கள் Bigger and Better வலையமைப்பு, பணத்துக்கேற்ற பெறுமதியை வழங்கும் தயாரிப்புகள் மற்றும் சேவை வழங்கல்களுக்கு வாடிக்கையாளர் வழங்கும் வரவேற்பானது சிறப்பாக உள்ளது.ஒவ்வொரு நாளும் அதிக சந்தாதாரர்கள் Hutch உடன் இணைவதைப் பார்ப்பது மகிழ்ச்சி அளிக்கிறது. மொபைல் வலையமைப்பு வழங்குநரிடமிருந்து வாடிக்கையாளர்கள் எதிர்பார்க்கும் – மலிவு, சிறந்த மொபைல் அனுபவம் ஆகியவற்றை வழங்குவதில் நாங்கள் வெற்றிகரமாக இருக்கிறோம் என்பதற்கு எங்கள் வளர்ந்து வரும் சந்தாதாரர் தளமே சாட்சியமாகவுள்ளது.நாங்கள் தொடர்ந்து நுகர்வோருடன் உணர்வுபூர்வமாக இணைந்து, தொடர்ச்சியான புத்தாக்கங்கள் மூலம் தேசத்தை வலுவூட்டி உண்மையான மாற்றத்தை ஏற்படுத்துவோம்
கே: உங்களது எதிர்காலத்திற்கான திட்டங்கள் என்ன?
பதில்: மக்களது உண்மையான, தற்கால தேவைகளைப் பூர்த்திசெய்ய முடியாதுவிடின், தொழில்நுட்பம் பெறுமதி குன்றியதென HUTCHல் நாம் எப்போதும் நம்புகின்றோம். எமது நோக்கமானது எமது சேவைகளை இலகுவில் எல்லா பிரஜைகளுக்கும் அணுகக்கூடியவாறும், மலிவாகப் பெறக்கூடியவாறும் எப்போதும் தொடர்ந்து செயற்படுவதாகும். இதனைக் கருத்திற்கொண்டு, HUTCHல் உள்ள குழுவானது, வெறுமனே சந்தைப்படுத்தல் வித்தைகளன்றி, நுகர்வோருக்கான அர்த்தமுள்ள புத்தாக்கங்களில் தொடர்ந்து கவனம் செலுத்தும்.
இதற்கு ஈடான முக்கியத்துவம் என்னவெனில், எமது சந்தாதாரர் அனைவருக்கும் தொடர்ச்சியாக மொபைல் அனுபவத்தை வழங்குவதை உறுதிப்படுத்தும் வகையில், HUTCH கடுமையாக உழைக்கும் என்பதாகும். ஏறத்தாழ முழு உலகளாவிய கைபேசி வலையமைப்புக்களால் எதிர்கொள்ளப்பட்ட முக்கிய சிக்கல் இதுவாகும். 3G, 4G, புரோட்பேண்ட் டேட்டா வலையமைப்புக்களால் மிகப்பெரிய டேட்டா தேவைகளை பூர்த்தி செய்த போதிலும், அதிகரித்திருந்த டேட்டா தேவையானது வலையமைப்பிலுள்ள சகல டேட்டா சந்தாதாரருக்குமான டேட்டா அனுபவத்தை பாதிப்படையச் செய்தத் தொடங்கியது. வலையமைப்பின் கொள்ளளவை விரிவடையச் செய்வது மாத்திரம் இந்த சிக்கலை தீர்ப்பதற்கான வழியல்ல.சகல டேட்டா சந்தாதாரரும் தொடர்ச்சியானதும், சீரானதுமான டேட்டா அனுபவத்தை எதிர்காலத்தில் பெறும் வகையில், அறிவுபூர்வமானதும், விரிவானதுமான நிர்வாக வழிமுறைகளும் HUTCHஇனால் உருவாக்கப்பட்டுள்ளன.
கே: 5Gக்கான உங்களது திட்டங்கள் தொடர்பில்?
பதில்: ஐரோப்பா, ஆசியா போன்றவற்றில் 5G வலையமைப்புகளையும், சேவைகளையும் ஏற்கனவே விரிவுபடுத்தும் செயன்முறையில் ஈடுபட்டுள்ள, மொபைல் செயற்பாடுகளில் ஈடுபடும் உலகளாவிய CKH குழுமத்தின் அங்கமே Hutch Sri Lanka ஆகும். HUTCH ஆனது தொடர்ந்து உலகளாவிய ரீதியான 5G வளர்ச்சியை அவதானிப்பதோடு, தற்போதுள்ள 4G சேவைகளை விட அதிகமான தேவைகள் உருவாகும் போது மட்டுமே, முழு அளவிலான 5G சேவைகளை இலங்கையில் ஆரம்பித்து வைக்கும்.
தற்போது, உலகளாவிய ரீதியாகவும், உள்நாட்டு ரீதியிலும் 5G ஐ அறிமுகப்படுத்தல் தொடர்பில் பெரும் வாதம் ஏற்பட்டுள்ளது. 5G குறித்தான அதிக தொழில்துறை மிகைப்படுத்தல் காணப்படுகின்ற போதிலும், 5G வலையமைப்பில் மிகப்பெரும் மேலதிக முதலீட்டை மேற்கொள்வதை நியாயப்படுத்துவதற்கான போதிய அளவு பாவனையாளர்கள் இன்னும் அடையாளப்படுத்தப்படவில்லை. மேம்படுத்தப்பட்ட 4G வலையமைப்பால் ஆற்றமுடியாத, உங்களுக்குத் தேவையான இன்றைய சேவைகள் என்ன என்பதை தயவுசெய்து எனக்கு கூறுங்கள், அதனோடு அத்தகைய மேலதிக தேவைகள் ஒரு 5G வலையமைப்பில் முதலீடு செய்வதற்கும், அறிமுகப்படுத்துவதற்கும் போதுமானவையா? என்பதே நான் எப்போதும் மக்களிடம் கேட்கும் கேள்வியாகும். இது மீண்டும் கட்டுப்படியாகும் தன்மை தொடர்பான கேள்வியாகும், கட்டுப்படியாகும் 5G கைப்பேசிகள் மற்றும் 5G இற்கான அப்ளிகேஷன்கள் எப்போது கிடைக்கும்.
இன்று 5G வலையமைப்பை விரிவுபடுத்துவதற்கு தேவையான சகல அனுபவங்களையும் HUTCHன் தாய் நிறுவனம் கொண்டுள்ளபோதும், நாம் முதலில் இலங்கை நுகர்வோருக்கு ஏற்ற காலத்தை நோக்க வேண்டும். அதன்பின் நிச்சயமாக எம்மால் செய்யமுடியும்!
இலங்கையிலுள்ள சகல மொபைல் சந்தாதாரர்களையும், HUTCHன் 4G அனுபவத்தை தாமாக பயன்படுத்தி, நாம் அவர்களது தேவைக்கு பொருத்தமானவர்களா என்பதை பரிசோதித்து பார்ப்பதற்கு மகிழ்ச்சியுடன் அழைப்பு விடுக்கின்றேன்.
